Rentgeni dhe Ortopani

Radiologjia e përgjithshme

Radiografia është forma më e vjetër dhe më e përdorur e imazhit mjekësor. Rrezet janë zbuluar më shumë se një shekull më parë dhe mund të prodhojnë imazhe diagnostike të trupit të njeriut në film ose në mënyrë digjitale në ekranin e kompjuterit.

Radiografia është mënyra më e shpejtë dhe më e lehtë për një mjek për të parë dhe vlerësuar kockat e thyera, të tilla si frakturat e kafkës dhe dëmtimet e shtyllës kurrizore. Rrezet X gjithashtu luajnë rol kyç në orientimin e kirurgjisë ortopedike dhe në trajtimin e lëndimeve të lidhura me sportin.

Përmes radiografisë mund të diagnostikohen edhe shumë probleme të tjera në trupin e njeriut.

• RTG e mushkërive
• RTG e kafkës
• RTG nativ i abdomenit

Cili është qëllimi i radiografisë?

Imazhet me rreze X përdoren për të zbuluar kockat e thyera, shenja të artritit dhe komplikacione të tjera të mundshme të brendshme. Rrezet kalojnë përmes trupit në nivele të ndryshme, varësisht nga dendësia e indit. Në indet e buta, si muskujt dhe indet yndyrore, rrezet kalojnë shumë më lehtë sesa në kocka.

Mjeku juaj mund të rekomandojë një radiografi për të mësuar më shumë rreth:

• Kockave, përfshirë thyerjet, artritin dhe kancerin e eshtrave
• Infeksioneve dhe kancerit të mushkërive
• Problemeve në traktin tuaj të tretjes
• Shëndetit të enëve të gjakut
• Shenjave të insuficiencës kongjestive të zemrës, të tilla si zemra e zgjeruar

A duhet të përgatitem para ekzaminimit?

Para se të bëni radiografi, ju duhet të hiqni disa nga rrobat tuaja dhe të vishni ato që nevojiten për të siguruar imazhet e duhura. Pjesa e trupit që do të ekzaminohet vendoset pastaj përpara kasetës, ndërsa radiologu përgatit aparaturën e rrezeve X. Ata do të qëndrojnë pas ekranit mbrojtës derisa të merren imazhet.

Çfarë ndodh pas ekzaminimit?

Atëherë kur tekniku i radiologjisë të jetë i kënaqur me imazhet e fituara, përfundon edhe procedura. Përfitimi i imazheve mund të zgjasë disa sekonda, ndërsa përgatitja e filmave zgjat deri disa minuta.

Gjatë ekzaminimit me rreze X ju nuk do të ndjeni dhimbje apo parehati. Ju do të merrni filmat 5 minuta nga momenti i ardhjes.

Radiografia e kraharorit

Radiografia e kraharorit është testi i parë imazherik që kryhet kur kemi simptoma si frymëzënie, kollë të vazhdueshme, dhimbje ose dëmtime të kraharorit ose ethe.

Individët me gjendje të tilla mjekësore si insuficienca kongjestive e zemrës apo kanceri mund të bëjnë radiografinë e kraharorit për të ndjekur reagimin ndaj trajtimit, ose për të parë nëse ka nevojë për ndryshim në menaxhimin e tyre mjekësor.

Shërbimet e rrezeve X që ofrojmë

• Kraharori
• Kurrizi
• Kafka
• Sinuset
• Brinjët
• Pelviku
• Ekstremitetet